مش خايفة

انا مش خايفة
و لا ضعيفة
و لا تافهة
و لا فتنة و لا فاجرة
و لو فاكرينى معزة
لا اسفة
انا بنت مصرية
و على رجلى واقفة
مهما كانت التهم قوية
من ربى و نفسى واثقة
هتتهمونى فى دينى
هتتمونى فى شرفى
اسفة
انتوا ناس جاهلة
و مش لاقيين حاجة على
قلتوا نرميها بالتهم دية
انا احسن منكم
و ربى مصيرة هيردلكم
بقول كلمة الحق و لا بتهم حد
و ربى عنى هيرد
و لو فاكرينى هسكت
لا انا هصرخ و هعلى الصوت
و قلمى عمرة ما هيموت
انا على رجلى
و فى ايدى قلمى
و فى قلبى ايمانى بربى
و معايا عقلى
و ناس بتحترمنى
و لى اصحابى و اهلى
انا مش لوحدى
ابعدوا انتم عنى
و لا تيجوا جنب دينى و لا جنب شرفى
انا بنت مسلمة مصرية
و بحبى لربى و تقوتى قوية
انتم بلاش جهل و افكار جاهلية
و لا قذف لسمعة الناس و اساليب واطية ملتوية
انا هكتب و هاقول و لحد لما اموت
راح افضل اقول الحق و اصرخ بعلو الصوت
ماهما حاولتم
انا و اللى زييى عمرنا ما هنتكتم
الحق صوتوا عالى
مهما كان الثمن غالى
مش هنضعف
و طريقنا هنكملة اكيد هنعرف
مهما عملتم
حتى لو فى الشرف اتهمتم
مسيركم هتذوقوا الندم
و انا مش خايفة
و متاكدة انى صح انا عارفة
انا راجعة
و انا اكثر من الاول اقوى