دة هو يا بية 8 ما وراء الهجوم على النقاب

اهلا مستر اتش بى HB
hello miss هاللو ميس
انا مش هطول عليكى
اوك مستر اتش بى ورينا هتقول اية
انتى عارفة لية كل الدوشة دى فجأة على النقاب الخ الخ؟
لا واعينى
انا اقولك
قول و سمعنى
موضوع النقاب دة اخد مساحة اد اية من الجرائد و كام يوم؟
لا كثير و لسة شغال
طيب فى الكثير دول حصل اية او اتعتم على اية:
اولاً:
محاولة اقتحام المسجد الاقصى
اثنين:
اعلان اولمرت انة السلام وهم
ثلاثة:تقرير جولدستون اللى ابنتة بتقول انة الراجل من حبة فى اسرائيل خفف الاتهامات اقل ما يكون
رابعاً:
تأييد السلطة الفلسطينيية لتأجيل التقرير
خامساً:
اعلان امريكا بوضوح انها ستستخدم حق الفيتو لتحمى اسرائيل ضد التقرير بعد فوز اوباما بجائزة نوبل للسلام بعد ان اعلن عدم تطبيق نزع السلاح النووى على اسرائيل لاتفاقيات سرية بين بلادة و بينهم من اربعة اعوام
و نعم السلام كان المفروض يديلوا 4 جوائز مش واحدة
سادساً:
التعتيم و منع النشر فى قضية دكتورة مروة الشربينى
سابعاً:
قرب بدأ الدورة البرلمانية الجديدة و التى سيناقش فيها قانون مكافحة الارهاب و نية الحزب الوطنى تعديل الدستور لتصبح الانتخابات الرئاسية القادمة ترشيح لافراد و ليس مرشحين احزاب
ثامناً:
مهازل الدراسة و انفلونزا الخنازير و الووفيات بين الطلاب
تاسعاً:
رفض الحكومة ازالة زراعات المجارى حتى بعد الانتخابات
عاشراً:
انتشار التيفود فى القرى لاختلاط مياة الشرب بالمجارى و عدم وجود شبكات مياة او صرف فى بعض القرى من الاصل
اقول كمان و لا كفاية؟؟
لا لا كمل كمل اطربنى برصاصك يا عم اتش
طيب نمرة 11:
التعتيم على اخبار القمامة الخ الخ
12:
اليونسكو و ما تم صرفة على البعثة و منتخب الشباب اللى الناس شجعتهم بس ما عرفتهم من خيبتهم
كدة كملناهم دستة انا تعبت انتى حبة تكملى كملى
لا كفاية كدة و لا اقول لك:
13القبض على متظاهرين للقدس
14موت يوسف ابو زهرة فى السجن
15عجز الموازنة
16خصخصة 40 شركة وقف طرح اسهم 29 غيرهم فى البورصة
17تسرب اطنان قمح روسى فاسد ثانياً
ا18 ارتفاع اسعار السكر و الزيت و التموين يعترف ان معدلات اسعارنا اغلى من العالمية
19البنك المركزى ينصح برفع تسعيرة الكهرباء 4 اضعاف
20رفع الدعم عن الغاز الطبيعى للمحليات و تحقيق اسرائيلى فى رفع قيمة الغاز المصرى المصدر وو لازال بسعر اقل من العالمى و ارخص 3 مرات للاستهلاك المحلى
21انهيارات ارضية بسبب المترو
طب و الحمد لله عرفنا لية كل الدوشة و تكبير الموضوع و الهجوم على النقاب و على فكرة دة كلام مستر اتش بى انا مليش دعوة يا بية