انا مش هكون ابداً خروف خائف

Published November 15, 2010 by Yassmin Elnazer

السنة دى انا ابداً مش هكون خروف خائف من السكينة و الموت انا عمرى ما هكون خروف او معزة تروح و تيجى مكان ما يقولوا لها و تخاف من شخطة تجرى تستخبى و تتجرو تتربط ما كان ما يحبوا لا انا مش خروف خائف و لا ثور مجنون انا بنى آدم لى ارادة و فكر و هدف و قضية و صوت و قلم ابداً ما يموت .
انتى مش خايفة سؤال بيتسأل كثير احياناً من باب الفضول او الاستخفاف بالسفروتة دى اللى اد كدة و مش جبارة و لا حاجة و كثير اوى يقال من باب التهديد او بداية تهديد ايوة عادى يعنى كلنا مهددون عزيزى القارىء يعنى المهم يعنى انا لية مش خائفة ردى بيكون طويل شويتين بس باختصار كدة لأنى عندى مجموعة اسلحة قوية جداً لأ لأ مش مسدسات و لا حتى السويس نايف اللى فى شنطتى من ايام توت عنخ آمون و لا حتى الديفنس و الحاجات دى لأ و لا عندى ظهر و لا واسطة و لا حاجة من دى الفكرة كلها انى مش بطلة و لا حاجة و لا عمرى فكرت العب الدور دة و ادخل فى يوم و اكتب الحقونى يا ناس اتهددت بكدة او اعمل فيها القتيلة بقى و البطولة و امشى احكى على التهديدات و لا الفكرة دى هى اللى هتحمينى و تخلى اى حاجة بعملها او اى كلمة حق بقولها لها قيمة و لا عمرى حبيت اقول اى حاجة اتعرضت لها غير لما الامر وصل للسفالة و محاولات النيل من الشرف و بما اننا جامدين اوى يعنى فساعتها بس عملت كوبى و باست و نشرت الكلام السافل باسامى اللى بعتو عشان اى حد يفكر يعنى بعد كدة يعرف انة هو اللى هيتفضح لاننا و الحمد لله ما عندناش حاجة نخاف منها المهم يعنى نرجع بقى لاسلحتى اللى هم باختصار دلوقتى و اللى يحب يعرف تفاصيلهم يقراهم فى المدونة ،هم باختصار: الأيمان،الحب،الأمل،القلم،دول أسلحتى اللى بيخلونى مش خائفة و مش خروف ابداً ببساطة يعنى انا لى نظرية فى موضوع الخوف:
البشر لازم يخاف لانة دة من شيمة و مش طبيعى اننا ما نخافش بالعكس احنا لازم نخاف و اوى كمان بس نخاف من ربنا الأول و نتقية و نتأكد انة ربنا وعد من يتقية بأن يوجد لة مخرجاً ،غير كدة لازم كمان نفهم انة مش الشطارة اننا ما نخافش لا الشطارة اننا الاول نعترف بالخوف دة و نواجهة و نحطة ادامنا و بكدة نكون وصلنا نص الطريق للانتصار بعدين نقسم الخوف دة مع حد قريب و الخوف لما يتكسر اثنين يكون اضعف بكثير و الخطوة اللى بعد كدة تكون محاولة الانتصار و هزيمة سبب او من سبب الخوف دة بس الشجاعة فى كل الاحوال مش اننا ننكر الخوف و انما محاولة التغلب علية هى البطولة ،حاجة تانية اللى هيفضل خائف عمرة ما هيقدر يعيش بمعنى انة اللى هيخاف من اى حاجة او حد غير ربنا عمرة ما هيفتكر انة الله هو الضار و النافع و الارواح بيدة وحدة و هيفضل يحسب كل حاجة و ينسى القضاء و القدر و ان ما اصابك لم يكن ليخطئك و ما لم يصيبك لم يكن لك و ان لن يصيبنا الا ما كتب الله لنا و ربنا قال انة ما حدش يقدر يضر حد الا بأمرة وحدة ففى الاخر حتى الضرر ما بيتمش الا بأرادة ربنا فاللى هيفضل خائف هينسى كل دة و هيبقى عايش ميت لانة خائف ياكل عشان الاكل مرشوش بميد او الفراخ بانفلونزا و البقرة مجنونة و السمكة مسمومة و مش هيتنفس عشان الهواء ملوث و بسحابة و لا هيخرج عشان الطرق كلها حوادث او تخاف لا تتخطف او او او الى اخرة و لا هيتجوز عشان ناس كثيرة بتطلق و لو اتجوز يخاف يجيب اطفال مرضى او ما يقدرش يربيهم و يخاف يقدم فى شغل عشان كلة بواسطة او ما عندهوش خبرة و يفضل خائف خائف خائف حتى يتكلم او يعبر عن خوفة دة من كثر ما هو خائف لكن اللى عارف انة الاعمار بيد الله و انة لازم يسعى و انة الساكت عن الحق شيطان اخرس و يستودع روحة و نفسة و كل حد عزيز عندة و ما يملكة عند ربة و هو واثق فى الخالق عمرة ما هيخاف من اى حاجة او حد غير ربنا و هيعرف انة مهما كان و مهما اى حد ضرم لة الشر انة الضرر مش هيصيبة الا لو كان دة اللى ربنا كاتبة و انة سبحانة لة حكمة و دى نظريتى فى الخوف اللى جنب اسلحتى على رجلى بتوقفنى و بتخلينى اتمسك بالحق اللى انا مؤمنة بة و اللى صعب حد يزعزنى عنة لانى مؤمنة بة بجد لا انا حد اهو مع الناس ووسط الزحمة و لا انا حد لاقى نفسة غلطان او فقد الايمان فى القضية لانى ما بدخلش فى حاجة الا و انا مقتنعة وواثقة فيها و مؤمنة انة الحق و اى حجات بتحصل بتثبتنى على موقفى اللاخروفى و بتعرفنى انى فى الطريق الصح و مش ممكن اتجر ابداً و لا اقلب معزة و اللى حابب يعرف بعض الحقائق عنى و مزيداً عن اسلحتى شوفوا على مدونتى فى قسم اسلحتى و قسم ردود و محاولات و كل سنة و احنا كلنا طيبين و بالخرفان و الماشية مضحيين و على الحق ثابتين و مش ماعز مجرورين آمين.
امضاء ياسمين

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

A. T. Sherbiny

Careers, Business and other stuff

My Thoughts

during my path as an Entrepeneur

Ajaytao Botanical Photography

Eternal Beauty of Nature

Espen Stenersrød- From Pen To Heart

Jack Kerouac with a scent of Henry Vaughn

dxradiologia

Just another WordPress.com site

Paul Militaru

Photography Portfolio

Cee's Photography

Learning and teaching the art of composition.

Ermilia

Blind Sight Coauthors

alm383

4 out of 5 dentists recommend this WordPress.com site

Ajaytao's Nature Blog

The Glory of the Sky, Clouds, Sunrise, Sunsets, Sea, Birds

Animals planet

Place yourself with the Wild

Discovery Enterprise

Just another WordPress.com weblog

Lightscapes Nature Photography Blog

Kerry Mark Leibowitz's musings on the wonderful world of nature photography

photographyofnia

"This is a Book, journal of my days. I write with my camera. Cats take the best place in this book. Because I am a cat photographer also." nia

Andrew Harvard Photography

"Twenty years from now you will be more disappointed by the things you didn't do than by the ones you did do. So throw off the bowlines, sail away from the safe harbour. Catch the trade winds in your sails. Explore. Dream. Discover." -Mark Twain

The right mood

Messy fragments on paper

Ray Ferrer - Emotion on Canvas

** OFFICIAL Site of Artist Ray Ferrer **

Portraits of Wildflowers

Perspectives on Nature Photography

%d bloggers like this: