لية عاوزة اتجوزاجنبى

اتخضوا اوى لما صرحت انى خلاص فقدت تمسكى بفكرة لا ابدا انا اتجوز من غير بلدى لا انا من حقى اتجوز مصرى و حق اولادى على انهم ما يكونش لهم
انتماء مزدوج ا
و يكونوا اصحاب خوية واحدة قال يعنى
اتخضوا و استغربوا اوى اوى و كل واحد فيهم هو السبب فى وصولى للنقطة دى طب و لية اجنبى مش عربى
و انت يعنى فاكرة انة الاجنبى مختلف ما ادامك اهو فى كل الكتب و الروايات تلاقى فكرة الجزمة
ايوة الراجل يموت فى اللى بتدى لة بالجزمة
اللى تضحى و تحب و تستنى و تتعامل كويس لا
انما بقى
للى ما تعملش اى حاجة اصلا و
تقعد تحسسة انها عملت اللى ما يعمل
و اللى تقعد تغير فى الرجالة زى الجزم
و ارميهم دى اللى يجروا وراها بالمشوار و اللى يحطوا الدنيا تحت رجليها و تستكتر علية الكلمة الحلوة دى اللى تعجب ايا كانت جنسيتة
بس بقى الاجنبى فية ميزات:
الرومانسية
ايوة انا من عينة انا عاوزة ورد يا ابراهيم
, و ابراهيم دة عمرة ما هيكون مصرى و لو ثرى عربى فى الغالب هيرمى لها الفلوس و يقولها اشترى انتى بقى
المصرى بقى بتاع نص كيلو و لا اجيبلك ورد لية اصلا مش بعتلك وردة على الماسنجر الخ الخ
و انا اشترى
لية يا مان هى تجيبلى انما بقى لو هو جاب و جاب و جاب و هى حتى استكترت تشكرة او تقولوا كلمة طيبة يفضل يجيب و يجيب
نظرية الجزمة الهائلة
اللى انا فاشلة فيها اوى و عشان كدة
لا ممكن ابدا هعرف احب واتحب لا فى البلد دى و لا فى العالم دة من اصلة لكن اقلة بقى ما دمت مش هاخدج واحد عن حب
اخد الرومانسى بقى
اللى بالنسبة لة الورد مش وردة ع الماسندجر ما اكون عاملة حادثة
المصرى عندة قناعتين
الاولى انة الرومانسية هبل فى بلد اهم حاجة لقمة العيش و اننا ننجو من كل القاتلات و الظروف لليوم التالى و من قانون الطوارىء
و القناعة التانية انة المصرية جبلة و ما تستهلش الدلع
انما بقى ام جزمة على دماغة دى اللى تستاهل الرومانسية و الدلع كلة
اللى تقلع فى الكليب تبقى مزة لكن لو ادلعتلة شويتين تبقى قليلة الادب و مش حاسة بسنها و لا ظروفها
ما علينا
الاجنبى بقى هيقدر
هيعرف انة مش متجوز معزة و انة حقها تفكر و تشتغل و تعبر و تقول الخ الخ
و انها يوم ما هتنظف و تطبخ و تغسل و تقف جنبة مش دة المفروض و اية عاوزة اية ما تشوفى غيرك
لا هو عارف انة دة من عندها اة من واجباتها و كلة بس مش كلللل دة
و لا هى مجبورة تقف جنبة و تستناة
المصرى بقى بالجزمة اللى هتغلط غلطة عمرها و تسند و تقف الخ الخ دى هيسيبها عند اول محطة بعد ما يضيع لها عمرها و حتتين المشاعر اللى كانوا فى القلب
الخواجة ممكن يناقشها و يشاركها اهتمامتها
المصرى نظام بقى و لية تشتغلى فى الحتة الفلانية و لية الدكتوراة و تبطلى كتابة
اى مدونات و نت و كتب و كلام فاضى لا تقعدى فى البيت و حياتك انا اللى انظمها ع مزاجى
المصرى عاوز يسيب واحدة امبارح و يخطب النهاردة او يعلق واحدة تبقى كوبرى لانها عجبتة و هى مش مهم تداس بقى و اية ما انا كمان كنت محتاج حد يخفف عنى و ما ظلمتهاش ما انا كانت نيتى سليمة بس ما اقدرتش انسى اللى قبلها و هو كان لازم يعنى اقولها انى كنت خاطب 6 سنين قبل ما اعرفها ب 4 اشهر و مش العكس؟؟؟
انما الخواجة واضح هيجيب من الاخر يعنى لا لعب و لا ضحك و لا اتعمل كوبرى و
لا يوم ما يكتب حاجة و اقولة دى لى ينكرها من باب التقل و كسر الخاطر لا الخواجة حتى لو مش لى هيقول لكى و من الهامك و كدة
عرفتم بقى لية انا عاوزة اتجوز اجنبى؟؟؟؟

Advertisements