وصيتي

Published September 24, 2012 by Yassmin Elnazer

مش بالضرورة تكون حالتي بتدهور او علي مشارف الموت عشان اكتب وصيتي انا اه عندي التهاب رئوي حاد و جاتلي العدوي بسبب شركة المية و من عندهم قاعه انتظارهم يعني و ذلوني و قرفوني عشان عداد و ماتركبش و قمه الفساد و اتحسرت علي دم الشهداء بس يالا خلاص لو اخر ايامي مش هسيبهم الا لما افضحهم المهم يعني التعب الشديد اللي انا فيه ده و انا نفسي فاجأتني بتقبلي لفكرة الموت بهدوء تام و سلام كده و ثقه فالله انه هيجازيني خير لاجتنابي الكبائر و مش عاوزة مخلوق يطلع يقولي يا متبرجة ياللي مش هتوردي علي جنة عشان مش انت يا مخلوق زي اللي هتقسم علي كيفك الجنة و النار ربنا قال انه رب قلوب المهم يعني انا قلت اكتب وصيتي عديت المرة دي يبقي الحمد لله ممكن ازود عليها بعدين ما عدتش و امر الله نفذ اهي مكتوبة و اللي مش مكتوب له كلمة فيها مش معناه نسيتة او مش مهم انما معناها اني يمكن معندش حاجة اقولها له انا طبعا زي اي بني ادمه اكيد كان نفسي اتجوز و اجيب ياسين و مصر بس الاعمار بايده وحدة:

اوصيكم بمصر اولا و اخيرا و بحق الشهداء و بمطالب الثورة و ماتنسوش المصابين لحد لما يخلصوا علاجهم و يقفوا علي رجليهم

أهلي:
مامي:
ارجوكي كفاية تنظيف محدش بيضيع عمره تنظيف و ترويق كده و كلي ما تحرميش نفسك ماكانوش كم جيب قولون دول ،أرجوكي ما تجيش علي نفسك و لا تسيبي حد يجي عليكي و لا تثقي بزيادة فالناس فيستغلوكي او تتصدمي فيهم خلي بالك من نفسك يا مامي و ادعي لي
ماتنسيش تاكلي العصافير و غيروا لهم البياضة المفكوكة دي

بابي:
ماتضغطتش علي نفسك فالشغل اوي و ظبط السكر و ماتنساش اللانتوس بلاش تين و مانجة كثير معلش يا با النودلز و الحلبسة بتوعي هيوحوشوك انا عارفة افتكروني

حمادة: خلي بالك من نفسك و روح الجيم و كل زي مخاليق ربنا و شوفلك عروسة حلوة كان نفسي انا الي انقي لك خد واحدة بنت اصول تروح مكان ما تقول

ماما هيام: ما تتعبيش نفسك و لا تقفي كثير و اشربي مية كثير و ما تنسيش الموزة و خدي الحقنة و ادهني المرهم عشان رجلك ماتجوعكيش

خالاتي: نانا :كل الناس بيوجوا عليكي و بيستغلوكي طول عمرك تعبانه و طول عمري زعلانه عشانك ما تعرفيش انا بحبك اد اية و الله ما تخليش نفسك اخر حاجة و ربنا هيسعدك و يعوضك عن كل التعب اللي شفتية في حياتك امين

هلولة:خلي بالك من صحتك و ماتحرقيش في دمك
خالو محسن: دايما خالو بجد

ايمان:امانه عليكي يا شيخة تاكلي كده زي الناس وتركزي في صحتك شوية و سيبيبها علي الله النصيب مكتوب

داليا: دايما بعتبرك العبقرية بتاعتنا ما تخذلينيش و حققي حاجة كبيرة اختراع كده و لا حاجة بس ابعدي عن بول الابل

عمر:يا رب يا عمر اكون خليتك فخور بي زي ما كنت لحد اخر يوم في عمري

خالو:حبيبي يا خالو خلي بالك من الاولاد و من صحتك براحة علي نفسك شوية

احمد:بلاش تتاخر بالليل بعد التمرين وو ذاكر كويس و هات مجموع كبير بقي

منه و هبه:ربنا هيديلكم علي اد طيبه قلبكم الجميل زي وجوهكم و ارواحكم بحبكم اوي

طنط آن: اوعي يا طنط تفقدي الايمان بالثورة بسبب الفاشية الدينية خلي عندك امل فالتغيير دايما مهما كان وصيتي لكي اوعي في يوم تحطيب ايدك في ايد حد ايدية فيها من دم الشهداء

اصحاب:
مروة:انتي اقرب حد لي الاخت ل مش من اهلي كفاية انك الوحيدة صاحبتي طول مراحل حياتي خلي بالك من صحتك و عشان قلبك الطيب و طريقك السليم طول عمرك ربنا هيبعتلك خير اجمل مما نتخيل او مكناش حتي نفكر فيه

سما:سمووي حبيبتي وجودك في حياتي سندني كثير اوي و ساعات كثير بفكر من غير سما كنت هعمل اية،خليكي قوية زي ما انتي دايما و جميلة زي ما انت دايما و ما تستنيش حد انتي المفروض الكل هو ل يستناكي يا ست البنات

سلمي:بحبك اوي و مكنتش اتمني ابدا تبعدي عنا كده خالص بس اختيارك ربنا يسعدك مع زوجك و يديلك الذرية الصالحة امين

جواد:اخوبا التاني ربنا يكرمك يا محمد دايما و يوفقك مش هعرف اقولك اية غي انك و نعم الاخ و دايما كنت جنبي زي حمادة اخويا بالظبط و معزتك عندي زي معزة حمادة ادعي لي
بضمير هه

ماجد و ريم:وحشتوني اوي و كان نفسي اشوفكم خلوا بالكم من بعض و برضة مليش دعوه هتسموا ياسمين يعني هتسموا ياسمين

ياسمين عبد الله: انتي الحاجة العدلة الوحيدة اللي طلعت بها من امتحان الخارجية و انتي اطول واحدة فاصحابي برضة وصيتي لكي بلاش الوش الخشب ما تخافيش و ادي فرصة لنفسك الاول و روستوخ روستوخ يا ذكي يا روستوخ عمري ما هنسي وقفتك جنبي دايما و انتي ماتنسينيش

هبه عبد المنعم:ما شفتكيش من سنين و كان نفسي ماتضطريش تسافري بره ربنا يوفقك بقلبك الابيض ده بس يا هبه انا اموت و اعرف كل السندتوشات الفينو دي ل بتاكليها بتروح فين

انتصار:وحشاني اوي و عمري ما فهمت ازاي جيتي مصر و مفكرتيش تكلميني او لية عمري ما عرفت لية قاطعتينا؟

هبه وجيه:عمري ما فهمت انا عملتلك اية عشان تقاطعيني بس عموما اتجمعنا علي الفيس بعد سنين اهم حاجة تكوني سعيدة و ربنا يباركلك في ابنك

نهي:انتي كنت صديقتي اكثر من نص عمري و عمري ما استنيت منك انك في يوم تعايريني عموما انا مسامحاكي و ربنا يبارك في سلمي الصغيرة و تخاويها

ايمان الجمل: انتي ملاك بدون جناحات اللي يؤذيكي ده مش ابني ادم اصلا انتي تستاهلي الخير كله خلي بالك من ياسمين الصغيرة ربنا يباركلك فيها امين و يعوضك و يخلصك علي خير يا رب

اشرف سليمان: انت فعلا اخويا الكبير بشكر صدفه كتابتي عن فيلم مكي اللي عرفتني بك انت من اجدع و اعقل الناس ل عرفتهم

ماري و رامي و فادي و هايدي و ديانا و نادر:ملعون ابو اللي خلاكم تسيبوا بلدكم هتفضلوا اعز جيران و اصحاب و اخوات غصب عن عين اي حد و ذكرياتي معاكم احلي ذكريات

عمر عبد الهادي:زميلي و اخويا ل اذ فج
أه اكتشفت انه سلفي و كان متخفي اوعي يا عمر تتاجر بالدين و لا تكون متطرف خليك عمر الوسطي اللي عرفته دي وصيتي لك

اسماء مسعد:وصيتي لكي ما تسيبيش حلمك و لا بلدك و ماتتهوريش في حياتك

رضوي السمان:كلمتين و بس انتي فعلا خسارة فالبلد دي للاسف وصلت اني اقدر اقول كده

ايمان هاشم،ايمان شهم،ايمان القاضي:بشكر الفيس بوك سبب معرفتي الحلوة بكم تستاهلوا الخير كله ربنا يديلكم كل ما تتمنوا امين

دينا اكرام و دينا سليمان،انتم من اجمل من عرفت بجد

مروة رخا،يمكن ساعات الناس و منهم انا فالاول بسبب بعض كتاباتك بناخد عنك انطباع مش حلو بس اللي يعرفك لازم يتشرف بمعرفتك و يفخر اد ايه انتي انسانه جدعه و جميلة و طيبة ربنا يباركلك في ادم و يكفيكي كل شر امين

نشوي ناجي: من ارق الاقلام و الطف الناس ربنا يحميكي و يوفقك انتيب و نانسي امين

ريم: من اجمل الناس سبع صنايع بس اتخرجي بقي ارجوةكي و كملي في كل حاجة بعد كده يا فنانه

فاطمة:ما شفتش حد في طيبتك دي اد اية انتي جميلة بحبك بجد

رشا الناظر:القريبة اللي ما قابلتهاش غير علي الفيس بوك و الصديقة النصوحة اللي استحملت حواديتي و شكوتي و نصحتني كاخت كبيرة دوما افتكريني

نرمين بدير:مفيش كلام يوصفك بجد اجدع حد و اكثر حد خير و حبوب و دمة خفيف بحبك اوي مقدرش اقول اد اية

جي جي و نورهان: اجدع ناس بجد ماشفتش في جدعنتكم و لا طيبتكم هتوحشني قعدتكم الحلوة

اميرة الطحاوي:تستاهلي كل الخير انتي بس اهدي و ما تستقليش بنفسك ابدا انتي تستاهلي كثير اوي و ربنا شايلهولك

رضوي السمان:انتي جميلة و خايفة اقولها بس بجد انتي خسارة فالبلد دي

سامح عبد الحميد:دايما انت وجه الاسلام الوسطي اللي انا فخورة به مفيش غير شوية تشدد بسيط لو شلتهم تبقي زي الفل ربنا يباركلك في اسرتك و اوعي تفقد الامل فالبلد و تسيبها خالص

فادي رمزي:اول من ادتني فرصة اكتب ووقفت جنبي و كنت اخ كبير ربنا يخلي لك الاولاد و هبه هم جمال زيك فالروح و خليك ثابت علي افكارك

رانيا المارية: عمري ما فهمت الحكاية و عمري ما ندمت اني واجهتك بدل ما اشيل فقلبي بس عمري ما كلرهتك و طول الوقت مشتقالك و لكلامك و ايام ما كنا بكنتب و نلرد علي بعض

هند عبد الفتاح
انتي شجاعة و بس ما تظلميش حد و لا تاخدي حد بذنب حد و لا حتي لو شايفة انك بتردي اذي تعملي كده سيبي ربنا يجيبلك حق و موفقة دايما

مني الغرباوي:
كنت نعم الاخت الاكبر ووحشاني اوي اوعي تبقي فلول

ريما:كنت بحبك و اعتبرتك اخت بس ما اقدرش اسامحك و ايدك فيها دم محمد محسن و لا اقدر يكونلي اخت من ابناء المخلوع و علي فكرة يا ريما مصير المصري يبقي له كرامة جوه و بره و نرجع اسياد العاالم مش مانسواش الا شوية زيت

ايمي:حملة البرادعي:مفيش حد زيك فالزمن دة كملي و ساعدي اد ما تقدري زي ما انتي تستاهلي الخير كلة

كفاية كده تعبت النهاردة لو عشت و كان لي عمر اكمل بكره ان شاء الله

هكمل بقي:
كلمات خاصة:

سلفيو كوستا: ما عدا جاب الله،انتم مصر اللي كنت فاكراها موجودة و طلع لا يا رب مصر ترجع انتوا بجد و انتم فعلا عائلتي الكبيرة و فخورة انكم خلتوني واحدة منكم بحبكم بجد

فريدريش نومان:شكرا الفرصة اني اتعلم كثير و اتعرف علي ناس من اشرف الناس فمصر ساره عبد الغنينمحمد فتحي،محمد عبده،نادين،شيماء الجيزي و كثير مبسوطة اني قابلتكم في حياتي

سهم الثقة:انتوا جدعان اوي و علمتوني كثير ما يهمكوش من اي خرائط يتهموها فيكوا حطوا خريطة مصر براحتكم دي بلدنا

6 ا6ابريل:دايما احترمكم و اقدر جهودكم لكن يا اخي توحددوا بلاش تتقسموا كده

كلمات لشخصيات عامة عرفتها:

عبد الرحمن يوسف:هتفضل شاعر الثورة و الشاعر اللي كلماته رجعتلي لغتي العربي المدغدغة بس نصيحة لوجه الله مفيش حد مبيحبش نفسه بس الحب ده له حدود لو زاد عنها تبقي نرجسية انت كثير ضربت دبش في وشي و يمكن تكون سبب الاقصاء ل كان لي فالحملة و جايز بعده فالحزب كمان عموما انا مسامحة و ربنا يهديك لنفسك

مصطفي النجار:كنت عندي اخ و معرفش انا اذيتك في اية عشان كنت استاهل كل الضرب ده في ظهري؟عموما لو شايف اني غلطت فيك و كنت استاهل فانا مسامحة و سامحني لو شايفني غطت

ياسر الهواري:انت جدع اوي و مسمينك حبيب السوايسة ارجوك حافظ عي صحتك عارفة ظروف البلد تعباك بس حاول
اسراء عبد الفتاح:شفتك مرتين بحبك و بحترمك جدا و بحترم فكرك

نوارة نجم:ما قابلتكيش و لا شفتك قبل كده بس انتي جدعة اوي بس لو تبطلي شتيمة فالعلن كان محدش يقدر يمسك عليكي حاجة بحبك عموما

عصام حجي: ربنا يحمي عقلك انت اكبر من اي نقاط ضعف وصيتي لك ما تخاليش حد يستغل اي نقطه ضعف لاقاها و ما تخليش حد تقدر تساعده الا و تساعده انا عارفه انكك مش هتخيب ظني فيك

فنانين:
يوركا:منعم انت ياني العرب

مهندس مأمون المليجي:فخورة اني في يوم عملت مع حضرتك حديث

وجيه عزيز: ما تغيبش عن جمهورك عشان في ايام كنت انت بس متنفسنا الوحيد

منير:الكنج صوت الكل دمت

كايروكي:هائلين

فيروز كراوية:بحبك و بسمعك من و انا فامتياز ربنا يوفقك دايما

الي كل مبدع نغمك و صوتك و قلمك هم الخلود لا تتخلي عنهم ابدا و خلي صوتكم حر

ناس حولي:

عم فتحي:خلي بالك من الزرع بتاعي و لما يجيوا معزلينابقي انكش الابصال بتاعتي كلها و حط كل واحدة في كيس بطين و خليهم ياخدوا شجرتين التوت بتوعي من ريحتي مع باقي الشجر

عم مختار:معلش حظك وحش معايا من يوم ما جت يا اعصابي بايظة من الضغط يا تعبانه و متبهدلة انت راجل جدع و طيب ما تزعلش مني

ام محمد:

مش هتلاقي حد زي مامي احنا مش تجار مخدرات تستحلي مالنا اتقي الله فيها و ما تدلعيش و تيجي مرة فالاسبوع

ام محمد:
شكلك يبان طيبة بس لو تبطلي النداله اللي بتجيلك ساعات و الحجج المبدعة فيها تبقي هايلة

ثريا:
بتوحشني المناكفة معاكي و الله يا ثوثو انتي بتكروتي اي نعم و تخانقي معايا بس عارفاكي بتحبينا و بطلي تعملي حماه هه

اخيرا بقي يا جماعة وصيتكم شركة المية اسكندرية البيططاش شباك الساحل او كلهم يعني هتلاقوهم زي بعض الفسادد بقي و التعسف و تغليب الناس و عاملين عصابة و عاملين بتوع ربنا و بيصلوا امانه عليكم دول اللي ذلوني و مرضت من عندهم بعدوي من صاله الانتظار مانة تفضحوهم و تنتقموا لحقي و دمي لو مت هيكون بسببهم و نزلوني و انا عيانه و تقولي الراجل بيلف بقالة شهر امانة حد يشوف الناس دي و ياخد بثاري

اخيرا كان فيه كتاب عربي مخلصاه و فيه 4 اسكتشات رسم وواحدة كبيرة المهم الصغيريين فيهم اتنين فيهم رباعيات كنت ناوية اعملهم كتاب صورة و كلمتين و اترجمهم انجليزي بنفس الوزن و فيه كتاب يمكن لحق اخلصة انجليش وواحد كنت بدات فيه باللغتين لو كده برضة هحاول يمكن الحق اخلص يا عربي يا انجلش المهم و نظريتي عن الام اس هكتبها في درافت علي المدونة ووقت ما يحصلي حاجة ابقوا حاولوا تنشوره و الباسوردات هكون سايباهم مع حد من اول الناس الي كاتبلهم هنا

حاجاتي ابقوا قسموها براحتكم بس لاهلي و اصحابي و الايتامم من بعدهم الايتام بس مش ناس تانية كفاية عاوزين يوروثوني بالحياه اصلا
اخيرا استودعكم مصر فانجدوها و ما تخذلوش الشهداء اكثر من
ما تسيبوش حقي لو مت حاربوا الفساد و عبد الروتين في كل مكان و اولهم شركة المية فرع اسكندرية خاصة البيطاش ماتسيبوش حقي العدوي من قاعة انتظارهم و زادت من بهدلتهم و لهم في علي عداد مية حاربوا العصابات اللي جوة من تحت لفوق ما تسيبوش ثاري

9 comments on “وصيتي

  • You are one of the greatest things that happened to me in egypt.im sure that ull be strong and u will continue to inspire us all like u always did.love u yasmeena i know u will make it

      • رحم الله والدك رحمه واسعه يادكتوره الموت قدرنا جميعا والناس فى الابتلاء كما قال بن عربى صنفان صنف يعلمون من قبولهم استعدادهم وصنف يعلمون من استعدادهم مايقبلون ادعو الله لكى ان تنالى الصبر منه على الم الفراق

  • Leave a Reply

    Fill in your details below or click an icon to log in:

    WordPress.com Logo

    You are commenting using your WordPress.com account. Log Out / Change )

    Twitter picture

    You are commenting using your Twitter account. Log Out / Change )

    Facebook photo

    You are commenting using your Facebook account. Log Out / Change )

    Google+ photo

    You are commenting using your Google+ account. Log Out / Change )

    Connecting to %s

    A. T. Sherbiny

    Careers, Business and other stuff

    My Thoughts

    during my path as an Entrepeneur

    Ajaytao Botanical Photography

    Eternal Beauty of Nature

    Espen Stenersrød- From Pen To Heart

    Jack Kerouac with a scent of Henry Vaughn

    dxradiologia

    Just another WordPress.com site

    Paul Militaru

    Photography Portfolio

    Cee's Photography

    Learning and teaching the art of composition.

    Ermilia

    Blind Sight Coauthors

    alm383

    4 out of 5 dentists recommend this WordPress.com site

    Ajaytao's Nature Blog

    The Glory of the Sky, Clouds, Sunrise, Sunsets, Sea, Birds

    Animals planet

    Place yourself with the Wild

    Discovery Enterprise

    Just another WordPress.com weblog

    Lightscapes Nature Photography Blog

    Kerry Mark Leibowitz's musings on the wonderful world of nature photography

    photographyofnia

    "This is a Book, journal of my days. I write with my camera. Cats take the best place in this book. Because I am a cat photographer also." nia

    Andrew Harvard Photography

    "Twenty years from now you will be more disappointed by the things you didn't do than by the ones you did do. So throw off the bowlines, sail away from the safe harbour. Catch the trade winds in your sails. Explore. Dream. Discover." -Mark Twain

    The right mood

    Messy fragments on paper

    Ray Ferrer - Emotion on Canvas

    ** OFFICIAL Site of Artist Ray Ferrer **

    Portraits of Wildflowers

    Perspectives on Nature Photography

    %d bloggers like this: