ساخر

All posts in the ساخر category

اللقاء الاول

Published May 1, 2013 by Yassmin Elnazer

لما ادخل الحمام اشرب زي كل مره المكان ده رطب و حلو و طبق الميه بتاعي تحت الحوض
ايه ده ايه ده ايه الصوت ده
(جرو صغير كان عيان و كان فالبيت لحد ما يخف(

من داخل الكائن الغريب المربع المتحرك اللي بيلف

الا ايه ده يا سي بنطلون
احم احم و الله ما عارف يا ست بلوزة
دة جرو يا جاهل
انت ايه دخلك انت
ما قلتلك يا بلوزة خليكي معايا مثقف و عندي معلومات
و انت يعني يا سي بالطو ايه عرفك
بالطو كده حاف؟ انا بالطو دكتور طبعا اعرف امال مكملتش تعليمي زيكم

هاو هاو هاو
اية البتاعه دي هتعضني و لا ايه
انتي ايه انتي يا ام صوت عالي(يتقهقر للخلف)

من جوه الغساله الفول اوتوماتيك:
دي غساله يا عبيط

يعني ايه غساله و من ده اللي بيتكلم
انا بلوزة
و مالك بتلفي كده ليه جوة انتي دايخة من حاجة؟
لا يا عبيط دا احنا بنتسل
يعني اية؟
يعني زي ما بيحموك كده بيغسلونا
اه بس انا مش بدخل غساله

احم احم جري ايه يا ست بلوزة واخدة راحتك يعني فالكلام و لا كأننا موجودين
ياسي بالطو .طبي عشان متزعلش مالك كده دايما جد ده جرو صغنن لسه و بعدين يعني لو طلعنا ده هياخدنا في بقه و يعض فينا و يمكن يقطعنا يعني فانا قلت أامننا و اضرب معاه صحوبيه
ايه الالفاظ دي اضرب معاه و صحوبيه زوقك كلابي صحيح

هاهاو
بطلي لف بقي دوختيني

ثصوت تخين يعقبه رج شديد و انتفاضه عليه و سقوط كل ما هو علي السطح ثم:
جري ايه ما تسكتوا بقي قلقتوا منامي انا قلت أأيل شويه لحد ما تتعصروا
و انت ياد يا جو اسكت احسن اعصرك معاهم

انتي مين و بتزعقي ليه و يعني ايه تعصريني اصلا
هاو هاو هاوووو

انت بتخوفني يلا
انتفاضه عنيفة و زئي مزعج طب و رحمة كل فرد الشرابات اللي اكلتها منا سايباك

اهدي بس انتي مين
انا الغساله الفول توماتيك ياخويا

ايه فول توماتيك دي انا معرفش ير الفول المدمس اللي بحبه اوي

انت بتتريق علي طب هش بقي هش
من داخل الغساله صوت قهقهة عاليه

بقي كده طب عاااااااا
الجرو هرب و الصراخ علي من جوة الغساله قررت تعصرهم و تشطفهم بميه مغليه عقاباً لهم
و كان ده اللقاء الاول بين ودي و الغساله الفووول توماتيكيه

Advertisements

ستوته تصوت

Published December 21, 2012 by Yassmin Elnazer

اية يا ست ستوته رايحة فين
رايحة اجيب دستور
ازاي يعني 
رايحة استفتي يا ستي
اه و ماله بس انتي قراتيه الاول
و اقراه ليه ما هو حلو جميل و بتاع الاستئرار
استئرار اية بس  مش تقرايه و تحكمي
انا وثيقة فيهم
هم من دول 
اللي ادوني الزيت و السكر و دبحوا العجل
لا يا شيخة و دول قالولك اية بقي
قالوا الدستور ده هيجيب اللبن و العسل و الزبدة

لا يا شيخة طب و اخدتي بقي
لا انا اخد زيت و سكر بس مفيش زبدة
طب بقولك اية عندك احفاد؟
احفاد اية انا لسة عندي 18 سنة
ماشي بلاش اخوات فالمدارس
اه طبعا طبعا بنتي عندها 4 و ابني 3
ابنك و بنتك؟
ماشي ماشي هعديها
تعرفي ان الداستور ده هيغير مجانية التعليم و لسة هيتعمل قانون يحدد لانه مراحل و انه نسبة؟؟

يا مصيبتي ده مجانية و العيال يادوبك معلمينهم فالاعدادية الف باء

طب عندك حد احتاج مرة يدخل طواريء حكومة؟؟

اه طبعا ياما و احنا بنبطل

طب ابشرك بعد كده مستشفيات الحكومة لغير القادرين فقط يعني تمشي بشهادة فقر

ده بجد؟
ايون

امال مش الاصول ياخدوا الضرائب التصاعدية من الاغنياء و يحسنوا المستشفيات و كلنا نتعالج فيها؟؟

لا يا ستي مفيش تصاعدية علي رجال الاعمال

اصوت!!!
لا استني
اكمل يا ستوتة

هو لسة فيه جوه
اه امال اية

اه صحيح بالمناسبة السبت اللي في ايدك ده شايلاه لية

رايحة اجيك العيش ابو 5 صاغ
ايه ده و انتي معرفتيش ان الحكومة المقنليه لاغيتة

امال هناكل اية اكل دراع جوز بنتي يعني
اه و السولار و البنزين الدعم هيتلغي من عليهم و فيه اسعار هتغلي و ضرائب جديدجة

طب علي كده المرتبات هتزيد
لا ياستي الاجر مرتبط بالانتاج و ليس الاسعار و لا الحافز هو اللي المفروض يتربط بالارباح
يعني اية ي
يعني يا ست الستاتيت معناه ان ممكن يمشوا نص اللي بيشتغلوا عشان مايينتجوش او ينقصوا مرتبهم النص

يا حلاوة و اية كمان

و مفيش مادة تمنع الاتجار بالبشر
يعني اية
يعني ممكن تتخطفي و تتباعي جارية او حفيدتك 8 سنين يجوزوها او الاعضاء تتباع عادي

بس خلاص كفاية اعصابي

هه نويتي تصوتي باية

ستوتة: يالهويييي يا دستوري يامه يا مصر يامه يا رايحة فداهيةة

nostota

عريس يا ماايي

Published May 16, 2012 by Yassmin Elnazer

النوت القادم ليس سخريه من الزواج لكنها فكره كوميديه فقط خطرت ببالي عل و عسي ترسم بسمه علي وجه احد مع الشكر و العذر لضيق دروب الكوميديا حولنا يعني اهو هم يضحك و الله:

عريس:

ع:عادي جدا ان الواحده تقابل كتاب النفسيه كله فالعرسان
ع:عيب و الله الاشكال دي
ع:عفريت ياماااي
ع:عتعالج بعد المقابلات دي

ر: راعني ما رايت
ر: ربنا قادر يصبرنا
ر:فيلم رعب ده؟؟
ر:راضي عن نفسك يعني؟؟

ي:يع
ي:ينتقم ربنا من اللي كان السبب
ي:يابني مادمت مش بتاع جواز بتشوف عرائس ليه
ي:يا نصاب يا اهبل يا متعجرف يا فاكر نفسه دون جوان

س: سيب و انا اسيب تقريبا ده المنطق بتاعهم
س:سيبوني عليه
س:سلام يا صاحبي
س:سلعوه بتهس ازاي يا شريف؟؟

عفريت الشراب

Published November 19, 2011 by Yassmin Elnazer

عندنا مشكلة كبيرة جداً في البيت فموضوع الشرابات ايوة الشرابات دي بتاعت الرجلين ايوه هي دي طب و دي اية يعرفتها بقي انا احكيلكم: عندنا فالبيت مشكلة كبيرة كلنا بنشتري شرابات كثيرة لا مش هواية جمع الشرابات و لا حاجة انما مشكلة عويصة جدا فاختفاء فرد الشرابات الاول كانت شراباتي فرد فرد بعدين بدات بعد كل فترة كدة اما انساهم و اجيب غييرهم الجداد يضيع فردهم و القدام فردهم تظهر في كل بيت حبة شوية فبيتنا فمصر و شوية عند جدتي و الاقي حبه عند اخويا و بعدين بدا باقي البيت يعاني بابايا وو اخويا و حتي مامتي لو الشراب ما ضاعش يتقطع و لو لسة جديد ما تلبسش يادوبك اتفك في نية لللبسة و في يوم من الايام اذ انه لاقيننا الغساله بتزووم و فجأه اتلقبت حواجبها  باعجوبةو بقيوا 8 مقلوبة و بوووم و مجبت منطق جبنا الدكتور اقصد بتاع الغسالات لقي عندها تخمة شرابية حادة للغاية يعني و لاقينها بالعه و لا يجي دستين فرد شرابات اة دة احمدك يا رب عرفنا اشرابات كانت فين بس لا ابدا و لا ممكن نتهني احنا علي شرابات ظلت الشرابات تختفي و في كل بيت المهم معرفناش اية سر شويبس اقصد اختفاء الشرابات الي ان فهمنا انه عفريت غاوي فرد شرابات جديدة و قديمة المهم تجيب انت الشراب و هو يبوظه مع انه شرابي و انا الي جايباه و حقي انا اللي نزلت و اشتريت و تعبت و نقيت بس تقول اية نكد ياخد فرده و لا منه سابه استفاد به و لا منه هو لما اخد نصه استفاد به اهو بوظوا و ضيعه علينا احنا الاتنين لحساب ثالث لم الفرد قطعهم و عملهم ممسحة و لا اي حاجة اما عفريت شرابات رزل صحيح لا و غبي كمان مش بس اخد حاجة مش بتاعته لا كمان بوظها و علي و عليه ضيعها لا منه سابها لصاحبها و لا منه خلانا احنا الاتنين نستفاد منها انا شراب و هو شراب كامل مثلا مش فردة و نضيع الشراب و نخربه خالص عشان كل واحد او العفريت عاوز يرضي رغبته في اثبات ان قفيها لا مفيش فايدة من الشراب و هخربه علينا كلنا الله يرحمنا من كل عفاريت الشرابات و يهديهم

حكاية الشرابات حقيقية لكن العفريت مش بتاع بس شرابات  و الحدق يفهم

ليلة ما عدي زحل

Published September 1, 2011 by Yassmin Elnazer

ليلة رؤية زحل ،وحل عدي يمسي علينا ويسلي صيامة كدة بتمشية ما يعرفش ان لسة في القرن الواحد والعشرين ناس بتشوف الهلال بالعينا لمجردة وان اي  لمبة قمر صناعي هتعدي بس هيمسكوا فيها ويقولك الهلال زحل ياعيني كان عنده فضول عاوز يعرف الارض مالها قالك ثورات و مظاهرات و شغب وبتاع عند العرب واوروبا وزلالزل واعاصير عند الامريكيتيين و مجاعة في افريقيا قال اروح القي نظرة واعرف اية الناس دي  فيهم اية ما يعرفش انه هيادبس و يتمسك متلبس بالعيد و نفطر احنا يوم و بعدين يتعرض لشعارات  تعادي ال زحلية بقي ويقولك زحل رخم حبكت يعدي ي وم الرؤية و اية الليلة الزحل دي و طلعنا اتزحللنا و زحل  طلع يلعب سينجل و الكواكب كلها واقفة نكست و بتاع و زحل زحل خالص خالص مننا اننا اتهمناه وهو مكنش يعرف انه ناس ما هتصدق وتمسك فية وبعد ما زحل كان هيموت من كثر الكحة من كثر ما جيبنا في سيرتة طلع من يكذب تكذيب الرية ومحدش بقي فاهم حاجة يعني فطرنا يوم ولا اشاعة شفتوا الهلال ولا شبيهه يا زحلواي!! و علية قرر زحل مقاطعة المجال الفلكي الارضي لحد اما الناس دي تصلح تليسطوبها بقي  هو ناقص قضايا وتهم و يالا ولا تعايرني ولا اعايرك ما زحل فطرني وفطرك

ستوتة في الرئاسة1

Published July 20, 2011 by Yassmin Elnazer

سالخير عليكي

اية دة مين

اوام كدة نسيتيني انا الحجة ستوتة بتاعت الامثال (الابليكاشن الشهير علي الفيس بوك

ستوتة انتي رجعتي امتي ومن امتي بقيتي حجة و حصل اية لمدام اماثل بتاعت التي في و الرسم علي مسيو فرانسية(القلم الفرنساوي بتاعي كانت بترسم علية بعد حلقات دة هو يا بية) وحجيتي امتي دة لسة بدري علي الحج

سيبك بس هجولك علي موضوع الحج دة بعدين بجة

بجة؟ و دة من امتي دة و جاي لي  لية ان شاء  الله

لا ابدا اصلي جلت في عجل بالي كدة بجة مادمت اني بتاعت الامثال وحافظاها كليتها و كنت مربية زمان كدية كم بطة ووزة ومعزتين وبجرة وجاموسة

و جاموسة طب وانا مالي بموضوع مزرعة عمو حمزة بتاعك دة

لا لا عمو حمزة كان عندة خروف يا دكتورة اني بجي عندي بطة ووزة وعارفة الكيلو بكام و دكرين البط بكام و ازغط البطة ازاي والوزة برضيك ازغطها كيف

و الله يعني يا حجة ستوتة علي حد معلوماتي  و علي ايامي يعني انة الوز اصلا مش بيتزغط  ناقص تقولي لي بتزغطي المعزة اللي حداكي كمان  اصل  الوز والمعيز بياكلوا الاخضرو اليابس يعني ما بتفرقش معاهم

الا اية اليابس دية ياختي

ياختي  !! حصل اية لمدموزيل و سيليفو بلية

معلش بجي اصل دية لغة المرحلة يا مزمزيل

طب انا اية المطلوب مني دلوقت يعني

ابدا اصل انا شفت في التالافيزيون الرادل دة اسمية اية المرشح دة وهو بيجول يعني انة مجومات الترشيح الواحد يعرف دكرالبط بكام وازاي يزغط الوزة وكدة يعني  فجلت بجي في عجل بالي مفيش غيري تنفع للمهمة دية و اهو علي راي المثل زغط بطة النهاردة واترشح للرئاسة بكره

و جلت بجي انتي في حزب و اكدية يعني واحنا معرفة جديمة وكان هيبجي فية بينتنا نسب وكدة ما تكسفينيش بجي فجلت  ترشحيني  مرشح الحزب عنديكم للرئاسة و اهو كلة مصلحة مع بعضينا و اهو برضك احنا ستات زي بعضينا و كدة و اهو برضة علي راي المثل رشحني النهاردة و احجزلك معزة

اة والامثال دي طلعوةا امتي بقي طب خدي عندك انتي و بتاع  تزغيط الوزة اللي اصلا مش بتتزغط دة قولي لة بقي الترشح دة عند ام بطة وسلميلي علي الجاموسة اللي راكنينها في الباك يارد

و ما تنسيش تسلمي علي المعزة زي اللي بيتجروا وراء كلام  ابو دكر البط

و المرة الجاية افهم بقي موضوع الحجة اللي من غير حجة دي

A. T. Sherbiny

Careers, Business and other stuff

My Thoughts

during my path as an Entrepeneur

Ajaytao Botanical Photography

Eternal Beauty of Nature

Espen Stenersrød- From Pen To Heart

Jack Kerouac with a scent of Henry Vaughn

dxradiologia

Just another WordPress.com site

Paul Militaru

Photography Portfolio

Cee's Photography

Learning and teaching the art of composition.

Ermilia

Blind Sight Coauthors

alm383

4 out of 5 dentists recommend this WordPress.com site

Ajaytao's Nature Blog

The Glory of the Sky, Clouds, Sunrise, Sunsets, Sea, Birds

Animals planet

Place yourself with the Wild

Discovery Enterprise

Just another WordPress.com weblog

Lightscapes Nature Photography Blog

Kerry Mark Leibowitz's musings on the wonderful world of nature photography

Andrew Harvard Photography

"Twenty years from now you will be more disappointed by the things you didn't do than by the ones you did do. So throw off the bowlines, sail away from the safe harbour. Catch the trade winds in your sails. Explore. Dream. Discover." -Mark Twain

The right mood

Messy fragments on paper

Ray Ferrer - Emotion on Canvas

** OFFICIAL Site of Artist Ray Ferrer **

Portraits of Wildflowers

Perspectives on Nature Photography

talainsphotographyblog

Nature photography